العفريت وأنا

موضوع: العفريت وأنا الأحد أبريل 22, 2012 9:06 am

كنت اجلس في الغرفه , واخذت ابحث وافتش بين كتبي , من غير هدف , ووجدت كتاب , اسود مكتوب عليه بالاحمر "اشعال الكبريت واحضار العفاريت" فشد الكتاب نظري , واثار جنوني , فأخذته ثم افتعلت نطه رشيقه علي السرير, واخذت اطالع هذا الكتاب الكبير, وفجأه وفي عز السكون , مما يثير الدهشه والجنون, حيث لم اكن اسمع الا صوت عقارب الساعه , وجدت صوتا ذو صدي رهيب , وضحكه "من بتاعت الافلام " ويقول "هاهاهاهاهاااااااا" وصاحب هذا الصوت وجود دخان كثيف في جنابات الغرفه , وما بي الا ان ارتعشت وانتفضت وانبهرت , وكدت ان اجعل السرير بحيره صغيره من تحتي , وذهبت كل تفكيرات عقلي , وهبطط كل قويا الجسمانيه , ووقف شعري وقفه الفزع , كاد ان يتركني ويصيبني القرع, ثم قال لي العفريت "شبيك لبيك , هاشدك من رجليك وهافقع لك عنيك , واديك في وشك دبل كيك , واعذبك واقلع ضوافراديك , " فقلت في نفسي " ايه ده الحجات دي كنت بشوفها في التليفزيون تطلعلي كده عيني عينك . وعندها شعرت انني من احفاد سندباد , واسمي الاصلي محمود باد , او جدي الاكبر علاء الدين , وارسل الي من المصباح خادم امين , ومابي الااني صرخت صرخه عميقه , فثار غضب العفريت , وحار ومار , وخرجت من عينيه شرار , ثم جحظت , وانتفخت انفه ثم انفتحت, وقال "ماتدوشنيش , وماتروشنيش , خلاصه الكلام , نا تحت امرك ياعبد الجبار , احرقني بالنار , اضربني بالمنشار , اكشف عليا بالمنظار, طلبك يجيلك بس ماتصرخش وتبقي زي الفار , وماتبقاش عبيط ده الموضوع اوبن بوك , جاست ائمرني وانا هاقلك اوك . ""
قلتلو : يعني ائمر ياغريب الاطوار
قالي: اخلص هاتطاع , وماتجبليش صداع
ثم اشار الي بيديه مقاطعا لما كنت ساقول , وقال" بس خلي بالك يا ظريف , ليك تلت امنيات وماتكترش يا خفيف , ولازم نتفق علي كلمه سر تقولهالي عشان اجيلك " قلتلو " ماشي كلمه السر انا بكره اسرائيل" راح قايلي " طب يله قول , ماتبقاش كسول , تتمني ايه," قلتلو " لالا ماتخدنيش علي الحامي , لحسن ازعق واقول عليك حرامي , امشي دلوقتي وتعالي بكره اكون فكرت "...........فذهب العفريت , وذهبت للنوم , وبالي مشغول بما حدث اليوم , ثم اشرقت الشمس بالنهار , وقمت لافكر واتخذ القرار , فخطرت في بالي فكره ليس لها مثيل, وندهت بعالي صوتي "انا بكره اسرائيل" فجائني الخرتيت , المسمي بالعفريت,فقلتلو " بص انا فكرت في امنيه , بس هاتحققهالي ولا هاتخلع ياعنيه؟" فقال "قول بسرعه وخلصني , ماعنديش وقت حركني , انا سخن انا نار , ماتقول ياعبد الجبار " قلتلو "انا عايز امسك الرياسه , وتحققلي الامنيه دي علي وجه الكياسه,يعني ابقي رئيس بفكر صلاح الدين " فضحك العفريت وتقهقه , واحمرت عيناه وتنهنه, ثم جلس بجانبي علي السرير , ورفع رجليه المشتعله (مثل البواجير), وواصل ضحكه بانهيار, حتي خرجت من عيناه النار" ثم قال لي " بفكر صلاح الدين , ان فاكر نفسك بقي هاترجع ايام حطين ,يابني العيب في المسلمين , الشباب كلها في غفله ونايمين, زمان كنا بنهتم لغزه ورفح وفلسطين , انما دلوقتي في نانسي وهيفا وشيرين " قلتلو "اااااااااه انت منهم بقي بتقول ومابتعملش , امشي من قدامي ومشفش لك وش" قال لي " لالا وعلي ايه , امرك نافذ يابيه" وفجأه وفي لمح البصر , وجدت وزراء وحشم بداخل قصر , وانا رئيسهم القائد , وعليهم الضابط والرابط , فقلتلهم بصوت حنين " انتو بقي اللي خربينها يابني ادمين , من النهارده ماحدش يقول لحد بعد كده انت ابن مين , " وقررت ان ابدأ في سرد القوانين , لكي نرمم الحال ونترك لقب مديونين, فجائني شيطان الوسوسه , واراد ان يمارس معي طرق الأبلسه , وقال لي "يابني تنصف مين وتعدل مين , مانتو عايشين علي كده بقالكو سنين, قلت له "لالا حرام ده اهالينا مساكين وغلبانين , وولاد البلد جعانين وعريانين , "
قالي "ماتفكك من الدواوين , وعيشلك يومين , دا انت دلوقتي عليالعرش المتين " قلت له "فكك مني بقي دا انت رجيم "
ثم سمعت صوت هامس في أذني , وهو المساعد اللطيف المسمي ,(ظريف) يقول " انت ساكت بقالك كتير ليه يا ريس؟" قلتلو "فطير !! اعد ساكت انت ياوزير " وبعد ان رأيت بعيني, الوزراء بجانبي ومن حولي , قررت ان انادي العفريت ,من رؤية هذا الموقف المميت , وبأعلي صوتي ناديت " انا بكره اسرائيييييييل"فرأيت المجلس زاط من حولي وقامو جميعا ليقولو "انا بكره اسرائيل ......انا بكره اسرائيل ....اييييييييييييييييييييه اييييييييييييييييييييييه " وجائني ذلك الشنقيط , الذي يسمي نفسه عفريت , وقال " ايه يا ريس " فقلت له "لالا دنا بجرب اشوف هاتيجي بسرعه ولا لاء عشان لو اتزنقت"
ثم قلت للوزير ظريف:"عايزك بكره تجمعلي الجمهور كله في اكبر ميدان , عشان هاقول قرارات هاتوفر الامان"
فرد الوزير , وقد شعر بالتغيير , :"ليه بس كده ياريس هو حد زعلك في حاجه " فرددت عليه قائلا " لاتجادل ولا تناقش ياظريف , لحسن اربيلك الخفيف" فقال لي "امرك ياكبير"......فجائني الشيطان ابليس مره اخري , ليخبرني بالبليه الكبري , فقال لي "بلاش تعزل الوزراء دول مابيرحموش وبيعرفو الخفاء , فكك من الحورات انت بقيت من العظماء,
فقلت له " اغرب عن وجي ياجالب الهم , وياامير الشر والغم " ...... اجتمع الوزراء , والجمع الغفير من الشرفاء , وكل الموظفين , وافراد الشعب المطحونين , فقلت لهم " خلاص يا جماعه , من النهارده كلو حقيقه مش اشاعه, اليوم هاتصدر فرمانات , هانمشي عليها لا تقبل فيها مناقشات , القرار الاول : استبدال جميع الطاقم الوزاري وتعيين اناس شرفاء يطبقون الحريه والديموقراطيه , وغيرها من الامور التي علي الشعب خفيه , ..... القرار اتنين :تخفيض الضرائب كما حددها الشرع , ليزيد الاقتصاد وليس بها رجع , ........القرار التالت:قطع المعاملات مع الدول الاجنبيه , سواء باللي جايا او اللي رايحالو , لحد مايسيبو الاقصي في حالو , ........القرار اربعه : اعلان الجمهوريه جمهوريه عربيه متحده , تدخل وتخرج منها بالبطاقه ,..................... القرار الخامس : هانعمل سوق عربي مشترك علي نفقتنا الخاصه ,
انتهيت من الخطاب , وفكرت في اهم النقاط الصعاب , فناديت بأعالي صوتي وكأني شرعت في التهليل " انا بكره اسرائيل"
فجاء العفريت الحبيس , وقال امرك ايها الرئيس , فقلت له :"انا عايز كل الرئساء يقفو معايا , ويشاركو في القرارات عشان تتوفر الحمايا , كلهم يبصمو بصمه من النوع الثقيل , لمحو لمنطقه المسماه باسرائيل " فقال لي " امرك نافذ يامجنون , انت بتفكر في شيء مجنون"وبعدها بلحظه تلقيت مكالمات عديده , من الرؤساء جميعا بالمسانده العتيده , وقررت الرؤساء ان تجتمع علي ارض بلدي , لكي يلقي خطاب فيمؤتمر رسمي , وعند الاجتماع,ارسلت احدي قوات الاعداء قناص شجاع , واطلق الرصاصه نحوي وانا اخاطب الاعضاء ,لم تخطئني ولكنها اصابت كتفي الايسر , وذلك لاني اتحرك كثيرا , عندما اتكلم واُصبح مثيرا , فوقعت علي الارض واجتمعت الحراس , وتعالت وارتفعت هتافات الناس , وعندها قلت "انا بكره اسرائيل"
فجاء العفريت وقال : "فضلك زلطه وتطلع بره " فقلت له " لا ياعم خليني في حالي, انا ايه الليخلاني افتح الكتاب , واديك شفت الليجرالي , ورجعني زي ماكنت واوعدك ياصديقي , مش هافتح الكتاب تاني ولا هاخليك تيجي.